Ойрын өдрүүдэд нутгийн хойд болон Хангайн уулсаар бага зэргийн цас орж, нийт нутгаар хүйтэн, нутгийн өмнөд хэсгээр салхи, шуургатай байхыг анхааруулж байна.
14-нд нутгийн хойд, төв хэсэг болон Хангайн уулсаар, 15-нд зарим газраар, 16, 17-нд нутгийн зүүн хэсгээр бага зэргийн цас орж, зөөлөн цасан шуурга шуурна. Бусад хугацаанд цас орохгүй. Салхи ихэнх хугацаанд 3-8 м/с, 14-15-нд ихэнх нутгаар, 16-нд зарим газраар 5-10 м/с, түр зуур 12-14 м/с хүрч ширүүснэ. Хүйтэрч Идэр, Тэс, Буянт голын хөндийгөөр шөнөдөө 38-43 градус хүйтэн, өдөртөө 28-33 градус хүйтэн, Хангайн уулархаг нутгаар шөнөдөө 32-37 градус хүйтэн, өдөртөө 22-27 градус хүйтэн, нутгийн өмнөд болон говь, талын нутгаар шөнөдөө 22-27 градус хүйтэн, өдөртөө 13-18 градус хүйтэн, бусад нутгаар шөнөдөө 26-31 градус хүйтэн, өдөртөө 17-23 градус хүйтэн байна